MAJAMBAZI YENYE SILAHA YAPORA KANGE NA KUTOKOMEA KUSIKOJULIKANA

Na Godwin Lyakurwa

TANGA

Jeshi la Polisi Mkoani  Tanga linawatafuta watu wanne kwa tuhuma za kuhusika na tukio la ujambazi wa kutumia silaha katika eneo la Kange Kata ya Maweni jjini Tanga.

Kamanda wa Polisi Mkoa wa Tanga Costantin Massawe(picha na Maktaba)

 

Akithibitisha kutokea kwa tukio hilo Afisa Upelelezi Mkoa wa Tanga Aziz Kimata ameeleza kuwa tukio hilo lilitokea mnamo siku ya Jumapili Nov 16/ 2013 mnamo majira  ya saa 5:15 Usiku ambapo majambazi hao wanne mmoja akiwa na bastola walivamia baa maarufu iliyoko maeneo hayo iitwayo Bongo Pub na kupora Sh 550000/=,Tv ndogo na Vinywaji vyote mali ya mmiliki wa Baa hiyo na kisha kutoweka kusiko julikana.

Hata hivyo hakuna aliye jeruhiwa katika tukio hilo ambapo majambazi hao walifyatua risasi  hewani ili kuwatishia wananchi waliokuwa jirani na eneo hilo.

Aidha Eng Kimati ambaye ni Afisa Upelelezi Mkoa ametoa wito kwa wakaazi wa mkoa wa Tanga na vitongoji vyake kutoa taarifa za uhalifu mapema hasa kabla haujatokea iwapo watahisi mienendo isiyo salama kwa baadhi ya watu ili kuweza kudhibiti uhalifu hasa katika kipindi hiki cha mwishi wa Mwaka.

Afisa huyo ameeleza kuwa hakuna aliekamatwa  kuhusiana na tukio hilo la Ujambazi na Upelelezi ili kuwabaini watu hao unaendelea.