WANACHAMA WA AFRICAN SPORT YA TANGA WAMALIZA TOFAUTI ZAO NA KUANZISHA MIKAKATI KUIREJESHA TIMU VPL.

Wanachama,Wapenzi pamoja na Wadau Wa timu ya African Sport Club ya jijini Tanga wametakiwa kuweka pembeni tofauti na viongozi watimu kwa kuweka mbele masilahi ya timu.Wito huo umetolewa na Mjumbe Wa Kamati Tendaji Godias Kimati (Pichani Kushoto) katika kikao cha wanachama na viongozi kilicho fanyika Jana kwenye ofisi ya Club hapa jijini Tanga.

Mwenyekiti Wa timu Habibu Ezi amesema kupitia kikao cha leo cha  Wanachama kitakuwa kinajenga umoja pia ameahidi kutumia nafasi yake  ataunda kamati ndogo kwajili ya kusaidiana kwakuiboresha Club.

Katika kikao hicho kilikuwa na Agenda kuu 3 
:Agenda ya kwanza kujadili Wanachama
:Agenda ya pili ni  kujadili juu ya uchaguzi Wa Viongozi
:Agenda ya tatu ni  kujadili juu ya Usajili

Ila Waswahili wamesema kwenye wengi kunakuwa na mengi ndipo agenda ya kwanza ikawa na vuta in kuvute juu ya kujadili Wanachama kuomba uongozi kupunguza kiwango cha fomu kuwa shilingi 1000 na Cardi ya uwanachama shilingi 5000 na Ada ya kila Mwezi kuwa shilingi 1000 kwa kuwatazama wanachama na wapenzi Wa hali ya chini .

Nae  Mwanacha Kombo Saidi  katika viwango hivyo ameona  haviwezi kuijengea timu kuwa na kipato hivyo kwamaoni yake amependekeza Ada pamoja na fomu kiongezwa

Aidha Mlezi Wa timu Mzee Kisauji amewataka Wanachama na Wapenzi Wa African Sport kuacha maneno ambayo yatabomoa timu nakuwataka kuliza kwa viongozi kitu ambacho huja kifahamu vizuri..