MAJAMBAZI YAMVAMIA MFANYABIASHARA NA KUFANIKIWA KUPORA MIL 1.2 TANGA.

Imeripotiwa kuwa Watu wanaokadiriwa kuwa sita wamevamia nyumbani kwa Ally Faki 45 mfanyibiashara ,mvuvi, mkazi wa petukiza na kumjeruhi kwa panga sehemu ya kichwani kisha kupora Tsh 1,200,000.

Akithibitisha kutokea kwa tukio hilo Kamanda wa polisi mkoani hapa Frasser Kashai amesema tukio hilo limetokea mnamo tarehe 31 octoba mwaka huu majira ya saa 8 usiku huko Petukiza Kijiji  cha Mwaboza Kata Ya Moa Tarafa ya Mkinga Wilaya ya Mkinga .

Aidha Kamanda Kashai amesema hali ya Majeruhi inaendelea vizuri na ameruhusiwa kutoka hospitalini alipokuwa anatibiwa.

Sambamba na hayo Kamanda Kashai amesema hakuna aliyekamatwa kuhusiana na tukio  hilo na msako mkali unaendelea ili kuwabaini waliotenda tukio hilo.

Jeshi la polisi linatoa Wito kwa  wananchi kuendelea kuonyesha ushirikiano wa kutoa taarifa za kisiri juu ya uwepo wa wahalifu katika maeneo yao wanayoishi ili kuweza kuzuia na kukabiliana na uhalifu.