KUPATA HABARI ZA MATUKIO YA KUSIKITISHA KUTOKA TANGA.click hapa..!!!

KAMANDA WA POLISI MKOA WA TANGA FRASSER KASHAI

Na Redeca Duwe na Daniel Raphael.TANGA

Mtu mmoja anayefahamika kwa jina la Raba Kajenje mwenye umri wa miaka 32, mvuvi na mkazi wa kipumbwi Kata Tarafa ya  Mwera Wilayani  Pangani  Mkoani hapa amekutwa amekufa maji baharini wakati anavua samaki.

Akithibitisha kutokea kwa tukio hilo kamanda wa polisi mkoani hapa  Frasser Kashai amesema tukio hilo limetokea  mnamo tarehe 30 septemba mwaka huu.

Hata hivyo kamanda Kashai  amesema kuwa chanzo cha kifo hicho ni kushindwa  kuogelea baada ya kuanguka kwenye maji

Katika tukio kama hilo mtu  mmoja anayefahamika kwa jina la  Eliza Shorori  mwenye umri wa miaka 33 mkulima mkazi wa mnazi Kata ya Daluni Tarafa ya Maramba Wilaya ya Mkinga Mkoani hapa amekutwa akiwa amekufa maji katika mto wa Bombo kijiji cha Maramba. 

Akithibithisha kutokea kwa tukio hilo Kamanda Kashai amesema tukio hilo lilitokea  mnamo tarehe 30 septemba mwaka huu majira ya saa nane mchana na chanzo cha kifo hicho ni marehemu kuwa na tatizo la kuanguka kifafa.

KATIKA TUKIO JINGINE Zaidi ya shillingi TSH  ,700,000  ikiwa ni pamoja na  vitu vya thamani kama dhahabu zenye thamani ya zaidi ya Tsh 3,000,000 zimeibiwa na watu wasiojulikana kwa kuvunja nyumba ya Kibibi Mashaka mwenye umri wa miaka 43 mjasiria mali na mkazi wa Sahare   kwa kuvunjiwa nyumba yake kwa kutumia jiwe kubwa.

Akizungumza nawaandishi wa habari ofisini kwake leo kamanda wa jeshi la polisi mkoana hapa Fresser Kashai amesema tukio hilo lime tokea mnamo tarehe 01 octoba mwaka huu majira ya saa 01:45 usiku wa kuamkia leo huko maeneo ya Sahare kata ya mzingani wilayani Tanga mkoani hapa.

Aidha Kashai mesema msako mkali unaendelea na hadi sasa hakuna mtu alie kamatwa kuhusiana na tukio hilo.

Sanjari na hayo jeshi la polisi mkoani hapa limetoa wito kwa wananchi kutoa ushirikiano kwajeshili la polisi kuhakikisha wanatoa taarifa na kufichua vitendo vya uhalifu  vinavyoendelea ndani ya jamii.