WACHUUZI WA SOKO LA BARABARA YA 15 TANGA WALALAMA MGAMBO WA JIJI KUCHUKUA BIDHAA ZAO.

Mstahiki Meya wa Jiji la Tanga Omar Guledi(Picha na Maktaba)

Na Rebeca Duwe. TANGA

Baadhi ya wafanya biashara wa soko la mlango wa chuma liliopo maneo ya  barabara  kumi  na  tano mkoani hapa wameilalamikia Manispaa ya jiji la Tanga kwa madai ya kuchukuliwa bidhaa  zao na Mgambo. bidhaa ambazo wanauza kwa ajili ya kujipatia kipato.

Wakizungumza na redio huruma wafanyabiashara hao wamesema kuwa bidhaa zao zimechukuliwa bila kufuatwa utaratibu  kwani utaratibu uliokwepo ni kwamba wanaofanya biashara ya jumla wanatakiwa kuwepo maeneo hayoa kuanzia saa kumi na moja  mpaka saa nne abuhi ndipo utaratibu mwingine ufuatwe na badala yake wameshtukiziwa bado hata wengine hawajaanza kuuza.

Kwa upande wake katibu wa Soko hilo Bw. Kimweri Zayumba amekiri wafanya biasahra hao kuchukuliwa bidhaa na hatimaye kurudi majumbani mwao blia faida na kusema kuwa Manispaa hawana makosa bali wamefanya hivyo kutokana na wafanya baishara hao kuuzia bidhaa zao maeneo ya barabarani ambapoa ni kinyume na utaratibu wa kufanya biashara.

Aidha ametaja changamoto katika soko hilo kuwa ni ukarabati wa maeneo ya soko na ujenzi wa  kuta za soko hilo pamoja na   kuboresha  mandhari ya soko kwani walisha toa barua ya kuomba ukarabati lakini bado hawajapata majibu.

Hata hivyo Afisa masoko na biashara jiji la Tanga bw.Raslidi Gogola  amesema manispaa wamefanya hivyo kwa utarabu uliowekwa kwani maeneo ya barabara  hayaruhusiwi kufanyia biashara yeyote .

Lakini pia Afisa huyo amesema kutokana na madai yao ya kuboreshewa mazingira pamoja na ukarabati manispaa imejipanga  vizuri kwani sasa file lao liko kwa mhandisi wa jiji la Tanga ambapo mara baada ya kukamilika halmashauri itamtafuta Mzabuni  kwa ajili ya kuanza kazi ya ujenzi wa soko hilo.