MKUU WA WILAYA YA TANGA AITAKA HALMASHAURI KUTHAMINI ASKARI MGAMBO.

Mkuu wa wilaya ya Tanga Mh Halima Dendego(Picha na Maktaba)

Mkuu wa wilaya ya Tanga Mh Halima Dendego amemwomba mstahiki  wa  meya jiji la Tanga pamoja na wakuu wa idara zote za halmashauri zikiwemo idara ya vijana ,kitengo cha ukimwi na watu wa mashirika waone umuhimu wa kuwatunza wanamgambo na kuwapa  mafunzo ambayo yatawafanya wawe na akili timamu ili kuondokana na hali ya umaskini.

Mkuu wa Wilaya ameyasema hayo katika ufunguzi wa mafunzo ya wana mgambo ambao umefanyika katika viwanja vya wanamgambo lilipo maeneo C A C Gofu mkoani hapa.

Aidha amesema kuwa mafunzo hayo yanawaandaa vijana kuwa wakakamavu , watimilifu na kuwa na uwezo mzuri  wa kufikiri hasa kwa ajili ya ulinzi na usalama wa nchi yetu.

Sambamba na hayo Mh Dendego amewaahidia vijana hao kuwa atwaandalia somo  la stadi  za  maisha ambalo litawasaidia katika maisha yao ili wawe na akili nzuri na kuwa imara katika kazi zao na watakapo maliza mafunzo yao wajue jinsi ya kutoka kiuchumi na katika uaskari wao.