SHULE YA SEKONDARI MACECHU YA JIJINI TANGA YAOMBA DAKTARI.

Mkuu wa wilaya ya Tanga Halima Dendego

Na Rebeka Duwe.Tanga

MKUU wa shule ya MACECHU sekondari iliyopo JijiniTanga,Melkisedeck Mzee ameuomba uongozi wa halmashauri ya Jiji hilo kuipatia shule hiyo kuwapatia Daktari hali ambayo itasaidia kuwepo uhakika wa tiba kwa wanafunzi 1040 ambao wamekuwa wakihudhuria masomo kwenye shule hiyo yenye wanafunzi wa kutwa na bweni.

Ombi hilo limetolewa juzi wakati wa hafla fupi ya makabidhiano ya msaada wa kompyuta ambao umetolewa na shirika la KOICA msaada ambao umegharimu kiasi cha Tsh 22 milioni ambapo sasa wanafunzi wa MACECHU sekondari wataweza kujifunza kisasa na katika ubora unaohitajika.

Kwa mujibu wa mkuu huyo wa shule ya MACECHU,Mzee alisema kwamba wamepokea kompyuta mpya 20,ups 13,music system na microphone ambapo hapo mwezi mei mwaka 2011walipokea kompyuta 20,ups 12,projector 1,air conditional na internet huku sehemu kubwa vikitumika kwa wanafunzi.

Mkuu huyo wa sekondari ya MACECHU aliendelea kusema kwamba mtaala huo wa KOICA umezingatia mahitaji ya shule hiyo ambayo sasa inatimiza miaka kumi tangu kuanzishwa kwake huku ikifanikiwa kufanya vizuri kitaaluma kwa mwaka 2013 kufaulisha wanafunzi 18 ambao walikwenda kidato cha tano.

Alisema jitihada zao za kukuza kiwango cha taaluma ndiyo siri pekee iliyowawezesha kuruhusiwa kupaqta hadhi ya kuwa na kidato cha tano ambapo kwa mwaka huu mwezi jula waliweza kupokea wanafunzi 65 wa mikondo ya CBG na PCB masomo ambayo yatasaidia kuzalisha wataalam wa sayansi.

“Tumeamua kuchukua mchepuo wa sayansi ili na sisi tuweze kutoa mchango wetu katika nchi kwa kupunguza tatizo la wataalam wa sayansi kwenye Taifa,tunaishukuru serikali yetu na wadau mbalimbali wanaotuunga mkono hadi kufanikiwa kufikia katika hatua hii”alisema mwalimu mkuu wa MACECHU.

Pia mkuu huyo wa sekondari ya MACECHU alibainisha kuwa mbali na KOICA kuwapatia vifaa hivyo ambavyo vitatoa mchango mkubwa katika ufundishaji wa masomo ya sayansi lakini pia shirika hilo la KOREA limeweza kuisaidia shule hiyo kwa kuwapatia walimu watatu wanaofundisha kompyuta. 

Aidha Mzee alisema kwamba shule hiyo bado inakabiliwa na changamoto mbalimbali ikiwemo tatizo la upungufu wa madawati na viti madarasani,meza za chakula,meza za kusomea,vitabu vya kiada na ziada huku pia kukiwepo na hitaji la maabara yenye kutosheleza idadi ya wanafunzi waliopo hivi sasa.

Kwa upande wake mkuu wa wilaya ya Tanga Halima Dendego aliyekuwa mgeni rasmi kwenye shughuli hiyo ya upokeaji wa msaada huo,alisema kwamba ipo haja kwa wanafunzi kujikita katika elimu ambapo amewataka kuongeza jitihada za kusoma kwa bidii na maarifa njia itawasaidia kutimiza ndoto zao.

Mkuu huyo wa wilaya alisema kwamba katika kipindio hiki cha ushindani wa soko la ajira vijana wanahitajika kuwa wasomi ambao wamebobea kwenye taaluma mbalimbali utaratibu ambao utawawezesha kupambana vyema katika ushindani wa soko la ajira na mataifa mengine duniani.