PATA HABARI MPYA ZA KIMATAIFA LEO..! click hapa

MWAFRIKA MWINGINE AUAWA NCHINI MAREKANI

Mauaji mengine ya raia wa kiafrika yaliyofanywa na polisi katika eneo la St Louis yameongeza hali ya wasiwasi na vurugu katika eneo hilo ambalo kwa takriban siku 11 sasa kumekuwa na vurugu kutokana na mauaji yaliyotokea awali.

Jumanne wiki hii afisa mmoja wa polisi alimpiga risasi na kumuua raia wa kiafrika aliyedaiwa kuwatishia kwa kisu polisi.

Mkuu wa polisi wa St Louis Sam Dotson amesema mauaji hayo ya August 9 ya Michael Brown yameongeza hali ya machafuko katika eneo hilo.
Mwanasheria mkuu wa Marekani Eric Holder anatarajiwa kutembelea eneo la Ferguson jumatano wiki hii ili kujadili taaerifa rasmi za uchunguzi wa mauaji hayo.

Mwendesha mashitaka katika kesi ya mauaji ya ya Michael Brown leo amewasilisha ushahidi dhidi ya afisa anayedaiwa kuhusika katika mauaji ya Michael Brown.
Vurugu zimeendelea katika mji huo huku waandamanaji wanaopinga mauaji hayo wakiwa wamepakaa maziwa usoni kujikinga na mabomu ya machozi kufuatia waandamaji wawili kuathirika na mabomu hayo.

James Enzi na Uhai wake akiwa kazini

HUZUNI KUBWA MWANAHABARI AUWAWA NCHINI SIRYA

Kikosi cha kiislam cha kijeshi chenye msimamo mkali kimeachilia video inayoonesha mauaji ya mwandishi habari mwenye asili ya Marekani. James Foley alipotea tangu alipokamatwa mateka na kushikiliwa nchini Syria miaka miwili iliyopita na sasa ameuawa.

Ikulu ya Marekani imesema inaifanyia uchunguzi wa kina video hiyo na ikithibitika kwamba mwandishi huyo wa habari ni wa taifa hilo ,serikali ya Marekani itataka ufafanuzi wa kina ilikuaje na kwanini James Foley auawe.

Katika mtandao wa kijamii wa Facebook familia ya mwandishi huyo iliandika kuwa’tunajua kwamba wengi wenu mnasubiri uthibitisho ama majibu ya maswali yenu,tafadhalini muwe watulivu mpaka nasi sote tupate taarifa tunazo tamia,na tunaomba muendelee kumbumbuka Foleys na kumwombea kila siku.’’

Katika video hiyo iliyobeba ujumbe unaosomeka kua ujumbe kwa Marekani,mwandishi huyo pia alionekana akiwa chini ya ulinzi wa mtu aliyekua amevalia kinyago usoni,askari huyo alikua aku akizungumza ndani ya lafidhi yenye athari za Uingereza,akisema kua kifo cha mwandishi huyo ni matokeo ya mashambulizi ya magurunedi yalowalenga wa Iraq.

MAROKETI MATATU YARUSHWA KUTOKA GAZA

Israel imefanya mashambulizi kwenye Ukanda wa Gaza hivi leo, huku Waziri Mkuu, Benjamin Netanyahu, akiwaamuru wajumbe wa nchi yake kwenye mazungumzo ya amani mjini Cairo kurejea nyumbani. Taarifa ya serikali imesema Netanyahu ameamuru mashambulizi hayo kufanyika katika kile alichokiita kujibu maroketi  yaliyorushwa  kuelekea Israel hivi leo

Hapo kabla, jeshi la Israel liliripoti kwamba maroketi matatu  yamerushwa  kutoka  Ukanda  wa  Gaza na  kuangukia  kusini  mwa  Israel  hapo jana, ikiwa ni masaa kadhaa  kabla  ya  usitishaji  wa  mapigano  na wanamgambo  wa  Kipalestina  kumalizika.
Msemaji  wa jeshi   amesema  maroketi  hayo  yameangukia  katika eneo  la  wazi  karibu  na  mji  wa  Beersheba  na  hakuna ripoti  za  watu  waliojeruhiwa  ama  kuuwawa.

Mapema mwakilishi wa Palestina kwenye mazungumzo ya Cairo,Azzam al-Ahmad alionya kwamba muda wowote ghasia zingerudi upya kwenye Ukanda wa Gaza kutokana na kusuasua kwa juhudi  zao  za  kufikia  makubaliano  ya kudumu katika  mazungumzo  hayo yanayosimamiwa  na Misri.

SOMALIA :MMOJA WA WATUHUMIWA WAKUU WA UHARAMIA AKAMATWA. 

Vyombo vya usalama nchini Somalia vimedai kufanikiwa kumtia mbaroni mmoja wa watuhumiwa wakuu wanaoendesha mtandao wa maharamia wanaoteka meli kwenye pwani ya bahari ya Hindi.Polisi mjini Mogadishu wamethibitisha kukamatwa kwa Mohamed Garfanji siku ya Jumapili jioni akiwa na walinzi wake wenye silaha ambapo polisi walipokea taarifa toka kwa wananchi kuhusu eneo aliko kiongozi huyo.

Mohamed Garfanji ni miongoni mwa watuhumiwa wakuu wa uharamia ambao wamehusika na matukio ya utekaji meli kubwa za kigeni zinazopita kwenye eneo la pwani ya Somalia na kujipatia mamilioni ya fedha baada ya kulipwa na wamiliki wa meli hizo ili kuziachia.

Mwaka jana rais Hassan Sheikh Mohamud alitangaza kutoa msamaha kwa maharamia wadogo kujisalimisha na kuacha shughuli zao, hatua aliyochukua kujaribu kumaliza uharamia kwenye bahari yake lakini akasema msamaha huo hautawahusu viongozi wao.
Marekani na Sychelles zinataka kumuhoji mtuhumiwa huyo kwa madai ya kuhusika kwenye utekaji wa raia wake