MWENGE WA UHURU KUZINDUA MIRADI KUMI YA MAENDELEO KATIKA MKOA WA KASKAZINI PEMBA

Na Msanja Mbula. Pemba

Jumla ya Miradi kumi na moja yenye thamani ya  shilingi milioni 305, 650,050 /= inatarajia kufunguliwa , kuzinduliwa na kuwekewa mawe ya msingi na mwenge wa uhuru katika Mkoa wa Kaskazini Pemba .

Akitoa taarifa kwa vyombo vya habari Mkuu wa Mkoa wa Kaskazini Pemba Mhe Dadi Faki Dadi amesema kuwa miradi hiyo imeibuliwa na wananchi na imelenga katika kuwapunguzi usumbufu katika upatikanaji wa huduma za kijamii .

Mkuu huyo wa Mkoa amefafanua kwamba ukiwa katika Wilaya ya Wete , Mwenge wa uhuru utatembelea  miradi saba yenye thamani ya shilingi milioni  226,490,050 .

Aidha ameeleza kwamba mwenge huo pia utazindua miradi minne yenye thamani ya shilingi milioni 79,160,000 .Mkuu huyo wa Mkoa amewataka wananchi kujitokeza kwa wingi  wakati mwenge wa uhuru utakapokuwa unazindua , kufungua na kuwekea mawe ya msingi katika maeneo yao .

Mwenge wa uhuru unatarajia kuanza kukimbizwa katika Mkoa huo tarehe 5 ya mwezi huu.