PATA TAARIFA MPYA ZA UHAMISHO WA WACHEZAJI NA MAKOCHA ULAYA HAPA

 RANIERI SASA KUWA KOCHA WA UGIRIKI.

Kocha huyo mwenye umri wa miaka 62 amesaini mkataba wa miaka miwili akichukua nafasi ya Fernando Santos aliyekiongoza kikosi cha timu hiyo katika michuano ya Kombe la Dunia mpaka hatua ya mtoano alipongolewa na Costa Rica kwa changamoto ya mikwaju ya penati.

Ranieri ambaye aliiwezesha klabu ya Monaco ambayo ilikuwa imepanda daraja katika Ligi Kuu nchini Ufaransa kumaliza katika nafasi ya pili msimu uliopita lakini amekuwa akishukutumiwa vikali hatua mabayo imepelekea kuangalia nafasi nyingine. 

Kibarua cha kwanza cha Ranieri akiifundisha Ugiriki itakuwa ni kuhakikisha wanaanza vyema mechi zao za kufuzu michuano ya Ulaya mwaka 2016, ambapo Septemba 7 mwaka huu watakwaana na Romania. 

Ugiriki ambao walinyakuwa taji la michuano hiyo miaka 10 iliyopita pia watachuana na Hungary, Finland, Ireland Kaskazini na Visiwa vya Faroe katika kundi F walilopangwa.

DIDIER DROGBA ARUDI TENA CHELSEA CHINI YA MOURINHO!

Didier Drogba amerudi Chelsea kama Mchezaji huru na kusaini Mkataba wa Mwaka mmoja.

Drogba, mwenye Miaka 36, alitwaa Vikombe 10 alipokuwa Chelsea kati ya Miaka 2004 na 2012.

Mwaka 2012 aliondoka Chelsea na kwenda kujiunga na Klabu ya China Shanghai Shenhua kisha kujiunga na Galatasaray Januari 2013 na kufunga Bao 5 katika Mechi 13 wakati Klabu hiyo inatwaa Ubingwa wa Uturuki.

Msimu uliofuata aliifungia Galatasaray Bao 10 katika Mechi 32 na pia kuifikisha Robo Fainali ya UEFA CHAMPIONZ LIGI ambayo walifungwa na Chelsea.

Akiongelea kurudi kwake Chelsea, Drogba amesema: “Ulikuwa ni uamuzi rahisi. Siwezi kukataa kufanya kazi na Mourinho!”

Nae Meneja wa Chelsea, Jose Mouriho amesema Straika huyo mkongwe kutoka Ivory Coast ni ’Mtu wa Chelsea.’

BEBE AJIUNGA BENFICA YA URENO!

Benfica wamehibitisha kumsaini Mchezaji wa Manchester United Bebe kwa Mktaba wa Miaka Minne.

Bebe alijiunga Man United kutoka Klabu ya Ureno Guimaraes Mwaka 2010 kwa Dau la Pauni Milioni 7.4 lakini alikuwa hana Namba ya kudumu na alicheza Mechi kubwa 2 tu, Kombe la Ligi mara 2 na UEFA CHAMPIONZ LIGI Mechi 1 tu.

Man United imethibitisha Uhamisho huu na imepata Dau la Pauni Milioni 2.4 na itapata Asilimia 50 ya Mauzo yake yoyote ya baadae.

BEKI CALUM CHAMBERS ATUA  ARSENAL..!

Beki wa Southampton Calum Chambers amesaini kuchezea Arsenal kwa Dau la Pauni Milioni 16.

Jana Mchezaji huyo mwenye Miaka 19 anaechezea Timu ya Vijana ya England ya chini ya Miaka 19 alifanyiwa upimwaji afya yake.

Chambers anakuwa Mchezaji wa Tatu kusainiwa na Arsenal baada ya pia kuwanasa Fowadi wa Barcelona Alexis Sanchez na Beki wa Newcastle Mathieu Debuchy.

Hadi sasa Southampton imeshawapoteza Rickie Lambert na Adam Lallana waliokwenda Liverpool na Luke Shaw aliekwenda Man United.

DEJAN LOVREN SASA KUPIMWA AFYA LIVERPOOL

 

Beki wa Southampton Dejan Lovren atapimwa afya Liverpool ili kukamilisha Uhamisho wake wa Pauni Milioni 20.

Beki huyo mwenye Miaka 25 kutoka Croatia aliichezea Nchi yake Mechi zote 3 za Kombe la Dunia huko Brazil.

Hadi sasa Liverpool imesaini Wachezaji wapya Wanne kwa ajili ya Msimu mpya ambao ni Rickie Lambert na Adam Lallana kutoka Southampton, Emre Can kutoka Bayer Leverkusen na Lazar Markovic toka Benfica.

 

 ASAMOAH GYAN AONGEZA MKATABA  NA AL AIN.

NAHODHA wa timu ya taifa ya Ghana, Asamoah Gyan ameongeza mkataba wake na klabu ya Al Ain ya Falme za Kiarabu ambao unamalizika mwaka 2018. 

Mshambuliaji huyo wa zamani wa Sunderland alikuwa amebakisha mkataba wa miaka mwili na nusu lakini aliongezwa mkataba mwingine ulioboreshwa zaidi jana. 

Gyan mwenye umri wa miaka 28 amekuwa mfungaji anayeongoza katika Ligi Kuu ya huko kwa kipindi cha miaka mitatu mfululizo. Nyota huyo ambaye alijunga na Al Ain akitokea Sunderland kwa mkopo mwaka 2011, amefunga mabao 82 katika mechi 66 za ligi alizocheza.