POMBE HARAMU YAENDELEA KUSHAMIRI DAR

Na Keneth JOhn  wa matukiodaima.com ,Dar

Biashara  ya  pombe  haramu  aina  ya   gongo    imeendelea  kushamili  jijini  Dar  es  salaam   baada  ya  jeshi  la  polisi  kanda  maalum  ya  dar  es  salaam  kukamata  lita  58  za   pombe  hiyo  kwa  nyakati  tofauti.

Taarifa  kutoka  jeshi   la  polisi   kanda  maalumu  ya  Dar  es  salaam zinasema  kuwa  jan  18  majira  ya  saa  5  kamili  asubuhi  maeneo  ya  Bunju  “A”   mbweni  kata  ya  mbweni  mbezi  beach,  askari  walifanya  msako  maeneo  hayo  na  kufanikiwa  kuwakamata  watuhumiwa  6  ambao  ni  Pili  Rajabu (50) Hamisi  Kilie  (41) Hamuisi  Kasimu(45) na  wenzao  wengine  watatu  wakiwa  na  pombe  haramu  ya  gongo  lita  40  pamoja  na  bhangi  kete  122 .

Pamoja  na  hayo   jan  18  hiyo  hiyo  askari   pia  walipitisha  msako  mkali  maeneo  ya  Kibamba  kata  ya  kibamba  kimara  stop  over,  na  kufanikiwa  pia  kuwakamata  watuhumiwa  23  ambao  ni  Maneno  Adamu  (20)  Rajabu  Omary  (25)  na  Mwajuma   Juma  (25)  pamoja  na  wenzao  20   wakiwa  na  pombe  haramu  aina  ya  gongo  lita  18  pamoja  na  bhangi  puli  12 ,  kete  25  na  misokoto  70.