WASIMAMIZI WA AFYA TANGA WATAKIWA KUONGEZA UKAGUZI VIWANDANI

Watendaji mbalimbali wa Serikali wakiwemo Mabwana na Mabibi afya wametakiwa kusimamia suala la usafi wa mazingira kwa kufanya ukaguzi wa mara kwa mara katika maeneo ya viwandani.

Akitoa majumuisho ya ziara ya Kamati ya Uchumi Elimu na Afya ya Halmashauri ya jiji la Tanga, Mwenyekiti wa kamati hiyo Seleboss Mustafa, amesema hali ya usafi katika viwanda jijini hapa ni mbaya na inahatarisha maisha ya wafanyakazi na wananchi waishio karibu na maeneo husikaHayo yamejiri mara baada ya kamati hiyo inayoundwa na wajumbe ambao ni madiwani kufanya ziara ya kustukiza katika viwanda mbali mbali jijini hapa na kukuta hali ya wafanyakazi na usafi wa mazingira si ya kuridhisha.

Aidha kamati hiyo imetoa maagizo kwa watendaji wa Idara kuhakikisha ada ya ulipaji wa taka ngumu,na malipo ya kodi mbalimbali yanalipwa kwa wakati.

Ziara hiyo ya kamati ya uchumi elimu na afya imefanywa kwa siku moja ikiwa na lengo la kuangalia usafi, huduma za afya kwa wafanyakazi, na ulipaji wa ada mbalimbali katika halmashauri ya jiji la Tanga.

Mgodi wa malighafi za kuzalisha saruji ( limestone) ulioko kwenye kiwanda cha Tanga Cement ambao umekuwa ukitoa malighafi hizo tangu kuanzishwa kwa Kiwanda hicho miaka zaidi ya 30 iliyopita.