KUELEKEA DABI YA JUMAPILI JOSE MOURINHO ASISITIZA MANCHESTER UNITED NI HATARI!

Kocha wa Chelsea Jose Mourinho

>>ANENA: “MAN UNITED NI MAN UNITED! TUNACHEZA NA MABINGWA!”
Jose Mourinho amesisitiza kuwa Mabingwa Watetezi Manchester United hawapo nje ya mbio za Ubingwa na bado ni Timu hatari.
Jumapili, Uwanjani Stamford Bridge, Chelsea inaikaribisha Man United kwenye Mechi ya Ligi Kuu England huku Man United wakiwa Pointi 11 nyuma ya Vinara Arsenal na Pointi 9 nyuma ya Chelsea ambao wako Nafasi ya 3.

Lakini Mourinho anaamini bado wana nafasi ya kutetea Ubingwa wao na amesema: “Arsenal na Manchester City ndio Timu za juu. City wana silaha na Liverpool wana nafasi murua kwa sababu hawachezi Ulaya. Man United ni Man United. Pointi 11 ni pengo kubwa lakini naamini watapigana hadi mwisho. Tunacheza dhidi ya Mabingwa. Tunacheza na Manchester United, sio Timu iliyo Pointi 11 nyuma ya Vinara!”
Aliongeza: “Nimecheza Mechi nyingi kubwa na unazoefu wangu unaniambia hivyo. Timu ambayo inaonekana ipo kwenye matatizo ndio Timu hatari.”

++++++++++++++++++++++++++
DONDOO MUHIMU:
-Chini ya Jose Mourinho, katika himaya zake mbili kama Meneja, Chelsea haijafungwa hata Mechi moja ya Ligi Uwanjani Stamford Bridge!
++++++++++++++++++++++++++

Vile vile Mourinho amekataa kumwonea imani David Moye, Meneja wa Man United, na kudai yupo salama na kwenye Klabu ambayo haiyumbi.
Amesema: “Klabu imempa imani kubwa. Ni Klabu yenye utamaduni mzuri inayoamini Mameneja wake. Atapata muda wa kujenga Timu yake.”
Kuhusu Timu yake, Mourinho amesema yeye hana mchecheto na kutwaa Ubingwa bali kazi yake kubwa ni kuijenga Chelsea ya baadae.
Pia Mourinho alidokeza kuwa Mchezaji wao mpya, Nemanja Matic, hataanza Mechi ya Jumapili lakini Frank Lampard huenda akacheza baada kutocheza tangu Siku ya Mwaka mpya.

MSIMAMO:

NA	TIMU	P	GD	PTS
1	Arsenal	21	22	48
2	Man City	21	36	47
3	Chelsea	21	21	46
4	Liverpool	21	25	42
5	Everton	21	15	41
6	Tottenham	21	1	40
7	Man United	21	11	37
8	Newcastle	21	2	33
9	Southampton	21	4	30
10	Hull	21	-5	23
11	Aston Villa	21	-7	23
12	Stoke	21	-13	22
13	Swansea	21	-4	21
14	West Brom	21	-5	21
15	Norwich	21	-18	20
16	Fulham	21	-24	19
17	West Ham	21	-10	18
18	Cardiff	21	-18	18
19	Sunderland	21	-15	17
20	Crystal Palace	21	-18	17

RATIBA:

[Saa za Bongo]
Jumamosi Januari 18
1545 Sunderland v Southampton
1800 Arsenal v Fulham
1800 Crystal Palace v Stoke
1800 Man City v Cardiff
1800 Norwich v Hull
1800 West Ham v Newcastle
2030 Liverpool v Aston Villa

Jumapili Januari 19
1630 Swansea v Tottenham
1900 Chelsea v Man United

Jumatatu Januari 20
2300 West Brom v Everton

Jumanne Januari 28
2245 Man Utd v Cardiff