MJI MKUU WA RWANDA WAPITISHA SHERIA YA KUTOTUMIA MAGARI.

Mji Mkuu wa Rwanda, Kigali umetajwa kuwa Ulaya ndogo na watu tofauti kutoka barani humo na wengine kutoka Asia kufuatia namna mji huo ulivyo.

Siku za hivi karibuni mji huo umetangaza siku ambayo wakazi wake hawatatakiwa kutumia magari kabisa. Kwa mujibu wa meya wa mji huo alisema kuwa siku hiyo barabara zote zitafungwa kupisha watu kutembea wakielekea sehemu zao za kazi na maeneo mengine.

Jumapili iliyopita ilikuwa ni siku ya pili ya kutotumia magari ambapo watu walikua wakielekea sehemu mbali mbali wakitembea wangine wakiendesha roller, skates, skating boards na baiskeli.

Siku hiyo imewekwa maalum ikiwa na lengo la utunzaji wa mazingira na kuhamasisha watu wa mji huo kuhakikisha unakuwa safi.