WAZIRI KAIRUKI AMTAKA MKUU WA MKOA WA TANGA KUPITIA UPYA WATUMISHI HEWA.

Waziri Wa Nchi Ofisi ya Rais Utumishi Wa Umma na Utawala bora Mhe, Angela Kairuki amemtaka Mkuu Wa Mkoa Wa Tanga Maritini Shegella (Pichani kushoto) kupitia tena na kuwabaini watumishi hewa ambao bado wanaendelea kupokea mishahara huku serikali ikiwa inatumia pesa nyingi katika kuwalipa Watu ambao hawasitahiki.

Kauli hiyo ameitoa juzi katika kikao cha watumishi wa umma wa idara mbalimbali mkoani hapa ambapo baada ya kupokea taarifa alipewa idadi ya watumishi hewa 198 ambao wamebainika  kupokea mishahara.

Pia Waziri Kairuki (Pichani kushoto) amesema watumishi hao hewa wamesababisha kupoteza fedha Billion 1.5 hali iliyosababisha hasara na kukwamisha serikali kufanya kazi zake kwa ufanisi ni vyema kupitia upya suala la kuhakiki taarifa za watumishi hewa wako wengi mkoani hapa ni zaidi ya watumishi hewa 22,000 wamebainika hivyo amemtaka mkuu wa mkoa wa Tanga kuhakikisha anafanya uchunguzi ili kubaini haraka kwani ldadi  hiyo  imeonekana kuwa kubwa kwa Tanga.

Hata hivyo waziri amesema katika Mkoa Wa Tanga kuna matatizo ya watumishi ambao wanatumia vyeti feki hasa idara ya elimu na Afya wanaongoza hivyo kuzitaka mamlaka husika kuhakikisha wanawabaini watu hao ili waweze kuchukuliwa hatu.

Aidha amesema nijambo la kusikitisha kuona watumishi Wa serikali wanashindwa kufanyakazi kwa weledi badala wanafanya mambo ambayo hayaendani na maadili hivyo alisema amezuia ajira mpya zote ili kufanya uhakiki Wa watumishi kupitia baraza la mitihani na wizara.