MATUMLA NA CHEKA KUZICHAPA SIKUKUU YA PASAKA DSM.

MABONDIA Francis Miyeyusho na Nassibu Ramadhani wamesaini mkataba wa makubaliano wa kuzipiga siku ya sikukuu ya Pasaka katika uwanja wa ndani wa taifa jijini Dar es salaam.

Akizungumzia mpambano uho mratibu wa mabambano hayo Rajabu Mhamila ‘Super D’ amesema kuwa amewasainisha mabondia hao kwa kuwa viwango vyao vipo juu sana katika kipindi hiki na ndio mpambano mkali utakaokuwa  wa kufungua mwaka 2016

Aliongeza kwa kusema mbali na mpambano huo siku hiyo pia kutakuwa na mapambano mengine ya kukata na shoka ambapo mabondia mbalimbali watazipiga siku hiyo.

Mohamed Matumla atavaana na Cosmas Cheka wakati mabondia Mada Maugo atavaana na Abdalla Pazi katika mpambano wa nani zaidi kati yao pia bondia Vicent Mbilinyi atavaana na Mwinyi Mzengela na Pius Kazaula wa Morogoro atamenyana na Seba Temba.