UELEWA MDOGO WA SHERIA CHANZO CHA UKANDAMIZAJI NA UNYONYAJI KWA WANAWAKE.

IMEFAHAMIKA kuwa jamii ya wanawake nchini inaendelea kuwa kandamizi kutokana na uelewa mdogo wa masuala ya kisheria hali inayopelekea wengi kukosa haki zao.

Hayo yamefahamishwa na mwanasheria kutoka asasi isiyo ya kiserikali TEWOREC, Victor Kisaka wakati akizungumza kupitia kipindi cha TUZUNGUMZE asubuhi kinachorushwa na redio huruma kila jumatatu hadi ijumaa.

Kisaka amesema kuwa hali hiyo ya uelewa mdogo inachangiwa zaidi na idadi ndogo ya  wanasheria nchini lakini pia wananchi wengi hawana utaratibu wa kusoma ili kujielimisha kuhusu sheria inavyoelekeza dhidi ya haki zao.

Akifafanua zaidi na kujikita katika sheria ya ndoa ya  mwaka 1971 sura namba 29, ametolea mfano kwa jamii ukanda wa pwani wanawake wamekuwa wakilea familia na hata kudiriki kuwahudumia waume zao wenye nguvu na uwezo wa kufanya kazi na wengine kufungiwa kabisa wasijishughulishe bila kujali kuwa ni kadhia kwao.

Kadhalika mwanasheria huyo amebainisha kuwa sheria hiyo aimkatazi mwanamke kuhudumia familia pale inapoonekana mwanaume hana uwezo wa kuzalisha, hivyo ametoa rai kwa pande zote kujishughulisha na kusaidia jukumu la malezi kwa ustawi wa familia zao na jamii kwa ujumla.