KITUO CHA NOVELTY CHAENDESHA SHINDANO LA UANDISHI WA ISHA KWA MAFANIKIO TANGA .

NA REBECA DUWE, TANGA.

KITUO cha  vijana  Mafunzo   na   maadili Novelty  Jijini Tanga (NOVELTY YOUTH CENTRE TANGA) kinachomilikiwa  na Kanisa la Free Pentekoste  Church  of  Tanzania (FPCT ) Jijini Tanga  kimefanya Tamasha la mashindano ya uandishi wa Insha  kwa wanafunzi wa  shule za msingi jiji la Tanga kwa mara ya kwanza , na kupata washindi kumi  waliobahatika kupata fursa za kusoma bure program tofauti tofauti  za kompyuta  zinazofundisha  katika kituo hicho cha vijana Novelty.

Mkuu wa kituo cha Vijana Novelty jijini Tanga

akiimba wimbo wa kuwahamasisha vijana

katika maadili kwenye Tamasha la uandishi wa Insha

lililoandaliwa na kituo hicho.

Tamasha hilo limefanyika siku ya jumatatu iliyopita  kituoni hapo na kuwakusanya mamia ya wanafunzi kutoka shule mablimbali za msingi kutika jiji la Tanga likiwa na lengo la kuwajengea  wanafunzi uwezo wa kujenga hoja za kiuandishi kuibua vipaji mablimbali vya watoto na vijana ili kufikisha ujumbe kwa wahusika ili kutekeleza wajibu wao.

Akizungumza wakati wa Tamasha hilo Mkuu wa kituo hicho cha Novelty  na  mratibu wa Tamasha hilo Jasson Ellyakimu alisema kuwa kusudi la kuandaa mashindano ya uandishi wa Insha  kwa wanafunzi wa shule za msingi ni kuangalia uwezo wao wa kufikiri katika kufikisha ujumbe kwa hadhira kuhusu jambo Fulani na uelewa wao pia ili kugundua maendeleo yao katika kujifunza masomo wakiwa mahuleni .

Alisema Insha hiyo ilikuwa  inahusu Viwanda, Rasilimali na vivutio vilivyoko ndani ya mkoa wa Tanga vinawasaidia vipi serikali pamoja  wakazi wa mkoa wa Tanga ili kupata maendeleo, ambapo waliweka vigezo vya kuzingatiwa katika uandishi huo kwa kuangalia  Uelewa wa mwanafunzi mwenyewe na utafititi wake juu Rasilimali hizo lakini pia jinsi  ya kuifafanua mada mbele ya hadhara na yeye mwenyewe kujieleza pamoja na muonekano wake binafsi.

Mkuu wa kituo cha Novelty na mratibu wa Tamasha uandishi wa Insha katika Shule za Msingi jiji la Tanga Jasson Ellyakim akimkabidhi zawadi mshindi wa pili Nasma Husein .

Katika tamasha hilo la mashindano hayo zilishiriki shule za msingi kutoka  Kwa Kaheza ,Kana ,Kisosora, Mikanjuni,Donge,Kange Kasera na Chuma ambapo mwanafunzi Mshindi wa kwanza alitokea shule ya msingi Kange Kasera  aliyeitwa Joshua Nikolaus Shemdoe umri wa miaka 13 na kupewa zawadi ya sh.50,000 kesh na kupua  nafasi ya kusoma bure  progaramu tatu za Kompyuta  katika kituo cha Novelty ndani ya mwezi mmoja ,na mwanafunzi wa pili alitokea Shule ya Msingi Mikanjuni aliyeitwa Nasma Husein umri wa miaka 13 na kupewa   zawadi ya 30,000 kesh na kupata nafasi kusoma bure Program mbili za Kompyuta ndani ya wiki tatu kituoni hapo.

Na wanafunzi wote waliobaki ambao ni mshindi wa tatu mpaka wa kumi walioshiriki uandishi wa Insha nao  watosoma bure  Program moja moja  ya kompyuta  kwa ajili ya kuongeza ujuzi wa Kutumia  Kompyuta kituoni hapo.

Aidha Ellyakimu alisema tamasha hilo litakuwa endelevu katika mkoa wa Tanga ili kusaka vipaji vya vijana walioko mashuleni lakini pia kuwa hamasisha vijana kusoma kwa bidii na kwa ushindani zaidi ili kuwapata waosomi weye uweledi wa mambo mengi   waliojengewa  mwazo ya utafiti mapema katika Taifa.

Washiriki na washindi wa uandishi wa Insha kutoka shule tofautitofati wakiwa wamesimama mbele ya wanafunzi wenzao.

Kwa upande wake Jaji mkuu wa Mashindano hayo Jackson Amos ambaye ni mwalimu katika kituo hicho cha vijana Novelty aliwapngeza washiriki wote na kuwataka kuongeza bidii katika uandishi wa Insha pamoja masomo mengne mashuleni kwani hatua walioanza nayo ni nzuri kwa sasa na inaonesha kuwa kuna wanafunzi wanaoweza utafiti wa hali ya juu endapo watahamasishwa ipasavyo.