WANAUME KATOLIKI PONGWE WAONESHA UMOJA NA MSHIKAMANO WAO.

Wito umetolewa kwa  wakristo wakatoliki kumuomba Mungu ili waweze kuona kusikia na kutenda katika maisha ya kumfuata kristu kwa Imani ya Kweli.

Hayo yamesemwa na Paroko wa Parokia ya Mt PETRO Saruji Pongwe Pr Peter Bahati kwenye adhimisho la Ibada ya Misa Takatifu ya Dominica ya 23 ya mwaka B kwenye kigango cha Mt Gerald Pongwe pia Ibada hiyo ilikuwa ni maalum kwa Wanaume Wakatoliki kusherehekea sikukuu ya Somo wao Mt Augustino.

Sambamba na hayo, Sherehe hiyo ilipambwa na Wanaume wenyewe wakiwa wamevaa sare zao zenye maandishi yanayowatambulisha, ambapo kwa pamoja walihusika kama waangalizi, walisoma masomo, maombi na kutoa vipaji.