AJALI YA BASI YAUA WATANO NA KUJERUHI 39 HANDENI MKOANI TANGA.

Kamanda wa Polisi Mkoa wa Tanga

Zuberi Mwombeji.

Watu watano wamefariki na wengine 39 kujeruhiwa kwenye ajali iliyotokea katika kitongoji cha Zimbabwe kijiji cha Manga kata ya Manga wilaya ya Handeni Mkoa wa Tanga.

Akithibitisha kutokea kwa ajali hiyo Kamanda wa Polisi Mkoa wa Tanga Zuberi Mwombeji amesema ajali hiyo imetokea Sept 15 mwaka huu majira ya saa 5a asubuhi na kuhusisha basi la Kamapuni ya Metro lanye namba za usajili T442 DFA aina ya SCANIA lililokuwa likitokea Dar Es Salaam kuelekea Rombo Moshi mkoani Kilimanjaro ambapo gari hilo lilipofika kwenye kona na lilihama njia na kutumbukia kwenye mtaro.

Kamanda Mwombeji amewataja waliofariki kuwa ni wanaume watatu waliotambuliwa kwa majina ya Elimringi Minja 50 mchaga mkazi wa Moshi, Innocent Shayo 49 na Zakaria Kitumpa 43mkazi wa Korogwe.

Wengine ni Dezio Minja 47 mkazi wa Moshi na Mtoto Haika Elimringi 12 ambaye pia ni mkazi wa Moshi mkoani Kilimanjaro.

Majeruhi wa Ajali hiyo walipelekwa katika Hospitali ya Mkata kupatiwa matibabu huku 30 kati yao wakiruhusiwa na wengie 9 bado wanapatiwa matibabu.

Aidha Kamanda amesema Dereva wa basi hilo aliyefahamika kwa jina la Raymond Frank Urio ametoroka na jitihada za kumtafuta zinaendelea.

Jeshi la Polisi mkoani Tanga linashukuru ushirikiano waliotoa wananchi wa maeneo ya jirani kwa kusidiana na askari wa usalama kulinda mali za abiria wa basi hilo kwani hakuna kilicho potea katika ajali hiyo.