TBS SASA KUFUNGUA OFISI ZAIDI NCHINI.

Wito umetolewa kwa wafanyabiashara nchini kuleta bidhaa zenye ubora ili kulinda afya za watumiaji na kuepuka hasara pale zitakapokamatwa na shirika la viwango nchini (tbs)

Wito huo umetolewa na Afisa masoko wa shirika  la Viwango Tanzania Gladness Kaseka wakati akizungumza na kituo hiki kwenye maonesho ya wiki ya nenda kwa usalama barabarani kitaifa yanayoendelea kwenye viwanja vya Tangamano jijini Tanga.

Amesema wanashiriki maonesho hayo kwa sababu wao ni wadau wa mambo ya usalama na jukumu lao kubwa ni kusimamia viwango vya bidhaa zote kitaifa akitolea mfano magari yanayoingizwa nchini ambayo hupimwa kabla ya kuruhusiwa kuanza kutumika.

Kuhusu bidhaa za wajasiriamali wadogo wadogo Bi Kaseka amesema kwa sasa Serikali imewapafursa ya kupata nembo ya ubora kutoka tbs bure ili kuwawezesha kuuza bidhaa zao kwenye soko la ushindani kitaifa na kimataifa.

Afisa huyo amebainisha kuwa ni wanajamii wanapaswa kutoa taarifa juu ya bidhaa zisizo na ubora pindi wanapozibaini kupitia namba ya bure ya 08110827 ili waweze kufanya ufuatiliaji na kuondosha bidhaa hiyo sokoni.

Shirika la Viwango nchini (TBS) lina Ofisi kwenye mipanga ya nchi bandari za Tanga na Dsm,uwanja wa ndege Dsm na sasa Serikali imeongeza wafanyakazi 200 kwenye shirika hilo watakaowezesha utoaji wa huduma kuenea kwenye mikoa ya Mbeya Arusha na Mwanza.