STARPECO WAJA NA TEKNOLIJIA MPYA YA UPIMAJI WA MAGARI TANGA.

Jeshi la Polisi kikosi cha Usalama barabarani nchini limeshauriwa kukagua vymbo vya usafiri kisasa zaidi ili kubaini uwezo wake hasa injini za magari na pikipiki ili kupunguza ajali zinazo sababishwa na ubovu na uchakavu wa vyombo hivyo.

Hayo yamesemwa na Afisa Masoko mwandamizi wa kampuni ya Starpeco Co Ltd Bw Jones Mkoka wakati akizungumza na kituo hiki kwenye maonesho ya wiki ya nenda kwa usalama barabarani kitaifa yanayoendelea kwenye viwanja vya Tangamano jijini Tanga.

Amesema kampuni hiyo inashiriki maonesho ili kutoa elimu kwa wamiliki wa vyombo vya usafiri vinavyotumia Oil juu ya matumizi ya Oil sahihi sambamba na upimaji wa Oil kwa teknolojia ya kisasa ambayo ni mpya nchini.

 

Afisa huyo amesema kupitia teknolijia hiyo ya kupima Oil kwa kifaa maalum cha Computer mmiliki wa chombo cha usafiri anaweza kubaini matatizo mbalimbali yaliyoko kwenye chombo chake, hivyo ni wakati sasa shirika la  viwango nchini (tbs) kutumia teknolijia hiyo inapokagua ubora wa magari yanaliyotumika ambayo huingizwa nchini kwa wingi.

Afisa Mkoka hakusita kuwakaribisha wakazi wa mkoa wa tanga kwenye banda lao lililoko ndani ya viwanja vya maonesho kupata elimu ya bure na pia kupima vyombo vyao vya usafiri kama magari na pikipiki kwa gharama nafuu ambayo ni maalum kwa maonesho hayo.