KAMPUNI CAPE TO RIO PROMOTION YAJIPANGA KUINUA MCHEZO WA MASUMBWI WILAYANI MUHEZA.

Mabondia kabla ya Mapambano kuanza

Meneja wa Cape To Rio Promotion Joseph Mrisho akiandaa vifaa kabla ya Mapambano kuanza.

Dancers wa THT wakifanya yao.

Bondia Halid Mohammed akiwa hoi baada ya kuzidiwa na Peter Mndolwa.

Bondia na Peter Mndolwa akitangazwa mshindi.

Jukwaa Kuu.

Mamia ya mashabiki wa mchezo wa masumbwi wilayani Muheza juzi walishuhudia burudani ya aina yake pale mabondia mahiri wa Wilaya hiyo walipowakabili mabondia kutoka jijini Dar Es Salaam, Tanga na Morogoro.

Mapambano hayo yaliandaliwa na Chama cha Masumbwi Wilayani humo kwa Udhamini wa kampuni ya Cape to Rio Promotion ambao waratibu na kuwezesha nabondia hao kupanda ulingoni.

Mwenyekiti wa chama cha masumbwi wilayani humo Bw Omari Senyange.

Akizungumza na Mtandano huu Mwenyekiti wa chama cha masumbwi wilayani humo Bw Omari Senyange amesema ni bahati kwa wilaya hiyo yenye wingi wa vipaji vya masumbwi kupata mdhamini ambaye amekuwa tayari kuandaa mapambano kwa kuwaleta mabondia wakubwa na mahiri nchini kupambana na mabondia wa Wilaya hiyo.

Katika pambano la utangulizi la raundi 3 bondia Peter Mndolwa wa magila Muheza alimsambaratisha mpinzani wake Halidi Mohammedi pia wa Muheza kwa KO ya raundi ya pili na hivyo kuibika kidedea.

Mapambano ya raundi nne yalianza kwa bondia Ali Omari wa Muheza kumchapa Amani Manezo wa Dar Es Salaam kwa points 36 kwa 34.Naye Omari Hanzi wa Tanga alimshinda Pius Mkwera wa Dar Es Salaam kwa Points 40 kwa 36.

Bondia machachari Hamis Kibaka wa Muheza alimshinda Rinya

Bondia machachari Hamis Kibaka wa Muheza alimshinda Rinya wa Tanga kwa Points 80-71.George allan wa Muheza pia alimshinda Hussein Zungu wa Dar Es Salaam huku bondia machachari wa Wilaya hiyo Maulid Champion akimtandika Six Memba wa Dar Es Salaam kwa Ponts 76 dhidi ya 74.

Maulid Champion wa Muheza (kulia) na Six Memba wa Dar Es Salaam

Kwenye mapambano ya Raundi 6 Bondia Licas Michael a.k.a Tiger wa Muheza alitoshana nguvu na Faridi Koto wa Dar Es Salaam kwa points 60-60 pambano lililokuwa na vioja vya aina yake kwa bondia Farid Koto kucheza muziki jukwaani kama ishara ya dharau kwa mpinzani wake.

Promota kutoka kampuni ya Cape to Rio Promotion Bw Joseph Mrisho.

Naye Bondia Bakari Sendekwa wa Muheza alishindwa kutamba mbele ya Amos Andrew wa Tanga kwa kukubali kichapo kwa points 58-59.

Akizungumza na mtandao huu Promota kutoka kampuni ya Cape to Rio Promotion Bw Joseph Mrisho amesema huo ni mwanzo tu kwani wamejipanga kuitangaza Wilaya hiyo kitaifa kwa upande wa masumbwi hasa mapambano ya kulipwa.

Wilaya ya Muheza ina hazina kubwa ya Vipaji vya masumbwi kama Mulid Athumani a.k.a Mau Champion ambaye yuko kwnye timu ya taifa ya Masumbwi akiwa chini ya Kocha Charles Kisuse Springs ambaye ni Bondia wa kwanza Tanzania kucheza pambano la kulipwa.

Bondia Maulid Champion akiwa na

Kocha Charles Kisuse Springs