"KUKEKUCHA TANGA" CUF YAWAKILISHA UKAWA YAZINDUA KAMPENI TANGA.

Mgombea wake wa kiti cha ubunge kwa jimbo la Tanga Bw Musa Mbarouk akimwaga sera Jukwaani.

Chama cha Wananchi CUF leo kimezindua kampeni zake jijini Tanga kwa kumnadi mgombea wake wa kiti cha ubunge kwa jimbo la Tanga Bw Musa Mbarouk kwenye viwanja vya Tangamano jijini hapa.

 

Akizungumza na mamia ya wananchi waliohudhuria mkutano huo Bwn Mussa ameahidi kuboresha Elimu, huduma za Afya sambamba na Pato la mtu mmoja mmoja. 

Amesema anauwezo,sifa na nia ya dhati ya kuliongoza jimbo la Tanga hivyo anawaomba wakaazi wa Jimbo hilo wamchague kwa kumpa kura za kutosha ili atimize ahadi anazoahidi.

Kampeni za vyama vya siasa nchini kuomba ridhaa ya uongozi kwa wapigakura katika uchaguzi mkuu wa Oktoba 25 mwaka huu zimeanza kwa kasi jana kwa baadhi ya vyama husika kufungua kampeni zake kwa vishindo huku vijembe na misemo ikitawala majukwa hayo.