UCHAMBUZI WA GODWIN HENRY WA HURUMA FM KUELKEA MCHEZO WA KESHO YANGA vs TP MAZEMBE.

 

Baada ya kukubali kichapo cha 1-0 mbele ya Mo Bejaia wiki iliyopita nchini Algeria katika(CAF)mchezo wa kwanza wa hatua ya makundi kombe la shirikisho Afrika(CFA), Yanga sasa wanakimbembe kingine kikubwa zaidi hapo kesho.

Mabingwa hao wa Soka Tz Bara walimaliza msimu uliopita wakiwa na rekodi tamu ya kufungwa mchezo mmoja 1 kati ya 30 waliyocheza na kushinda michezo 22. Kama haitoshi Yanga walitwaa ubingwa wa kombe la FA kwa kishindo walipoichapa Azam 3-1 katika mchezo wa fainali. Ukiangalia mwenendo huo utakubaliana nami kuwa kwa hapa Tanzania Yanga ni kiboko yao uwanjani.

Lakini unapozungumzia michuano ya kimataifa Yanga pamoja na vilabu vingine vya Tanzania ni habari mbaya sana kwao kwa sababu hii ndio mara ya kwanza kwa klabu ya Tanzania kutinga hatua ya makundi ya Kombe hili na Yanga haohao walikuwa wa kwanza kutinga makundi klabu bingwa Afrika ambapo wakutana na vipigo vya aibu.

Michuano ya Kimataifa kama Klabu Bingwa na Kombe la Shirikisho imetawaliwa na vilabu bora zaidi ya vilabu vya Tanzania kuanzia nje ya Uwanja mpaka ndani, nitatolea mfano kundi hili ambalo wamepangwa Yanga, wako na Mabingwa wa Soka Afrika TP Mazembe, Vigogo wa Soka la Algeria Mo Bejaia ambao tayari wamelamba makali yao na Medeama ya Ghana ambayo pamoja na kuwa kwenye matatizo ya kifedha na kichapo walichopata kwenye mchezo wa kwanzan 3-0 dhidi ya TP Mazembe  bado wanaonenaka sio wakubeza mbele ya Yanga.

Tukija kwenye mchezo wa kesho Yanga walionekana kupania sana mchezo huu kuliko michezo mingine yote inayowakabili kwenye hatua ya makundi wanayoshiriki, lakini lazima watambue kuwa mchezo wa soka hauongopi, mikwara na kupania sio siri ya ushindi, zaidi inaweza kuwa aibu sana kama hawatajipanga vyema kuukabili moto wa mazembe.

Yanga imeweka kambi ya maandalizi nchini uturuki tangu kuanza kwa hatua hii ya makundi, kambi ambayo imeonekana kuleta mabadiliko makubwa kwenye performance ya timu uwanjani pale walipowakabili Mo Bejaia nchini Algeria, kama sio ubutu kwenye safu yake ya ushambuliaji naamini Yanga wangekuwa na cha kujivunia hii leo. Walitengeneza hafasi nyingi za kufunga hasa kipindi cha pili, nafasi ambazo wangezipata waarabu sijui tungezungumza nini leo. Pamoja na hayo nimewahi kushuhudia michezo kadhaa kati ya TP Mazembe na Waarabu,takribani miaka mine sasa Mazembe wamekuwa bora kuliko Waarabu kwa kila kitu kuzuia, kumiliki mpira na hata kushambulia, japo wameonekana kupwaya tangu waondokewe na “chinjachinja” wa Afrika kutoka Tanzania Mbwana Samatta bado naona Mazembe ni zaidi ya Yanga.”WAJICHUNGE”

Hapa nitatoa mbinu 4 ambazo zinaweza kupeleka furaha jangwani katika mcjezo wa kesho ambao tayari homa yake imefikia patamu kuliko…..

1. Mbinu za Mchezo.(Game Plan)

Mwalimu Hans Van De Pluijm ni miongoni mwa wataalamu bora wa mbinu Barani Afrika, September 16-2012 aliiongoza Berekum Chelsea ya Ghana kuishinda TP Mazembe 1-0 katika michuano ya CAF. Naamini anafahamu kuwa mbinu namba moja ya timu inapukuwa nyumbani ni kutafuta kushambulia zaidi hasa kipindi cha kwanza ili kujihakikishia ushindi huku ikikaba kwa pamoja na kuepuka michezo ya kutegea Off Side.

Pluijm anapaswa kuwaweka tayari vijana wake kushambulia kwa kasi na kwa umakini hasa dakika 30 za kipindi cha kwanza angalau watangulie kwa bao 2 kisha wapate nafasi ya kupumzika kwa dk 15 za kipindi cha pili wakizuia ili 45 za kipindi cha kwanza zisiwaumize kiasi wakashinda kuimudu nusu ya pili ya mchezo.

Kazi kubwa watakuwa nayo Kamusoko na Niyonzima ambao watapaswa kubance timu kwa muda wote wakiendene na plani ya mwalimu ya kishambulia kwa dk hizo 30. Mwalimu anapaswa kukaa nao chini na kuwaeleza kwa kina kuwa wao ndio Injini ya timu ni kipindi gani wacheze kwenye nafasi gani.

Mbinu ya kujilinda inaweza kuwa shubiri iwapo kutakuwa na mitego ya Off side ambayo kuacha nafasi kubwa kati ya mabeki na golikipa na hapa wataikabili hatari ya Washambuliaji Thomasi Ulimwengu ambaye anakasi sana akitokea pembeni na Kalaba ambaye ni mtaalamu sana wa kulenga lango kwa mashuti ya mbali.

2. Uchezaji.(Perfomance)

Perfomance ndo kila kitu kwenye mpira na huanzia kwenye mbinu bora za mwalimu kwa mchezo husika. Yanga walionesha performance nzuri mbele ya Mo Bejaia lakini haikuwa na faida kutokana na makosa ya umaliziaji.

Nikianza na safu ya Ulinzi anaposimama Bossou na Yondani sina shaka kabisa kwa sababu muunganiko wao umekuwa imara sana hata wanapowakabili washambuliaji hatari, kama unakumbuka bao lililofungwa kwenye lango lao dhidi ya Bejaia lilitokana na kukosekana kwa Boosou ambeya alikuwa nje akitibiwa kwa wkati huo.

Napata shaka kwa mabeki wa pembeni yaani Mbuyu twite anayepewa nafasi kubwa kucheza zaidi ya Hassan Kesy mwenye mgogoro wa kimkataba na timu yake ya zamani ya Simba na Oscar Joshuia ambaye hayuko sawa 100% kwa mchezo huu. Mbuyu Twite hutumia nguvu zaidi ya akili kwenye kukaba na hana faida kwa mawinga ambao wamezoea kusaidiwa kushambulia na mwenye nafasi yake Juma Abdul ambaye ni Majeruhi. Oscar hayuko fiti sana kucheza na hata mchezo uliopita dhidi ya Mo Bejaia hakumaliza kutokana na maumivu ya mguu ambapo alimpisha Haji mwinyi kipindi cha kwanza naye aliishia kupata kadi nyekundu dakika za lala salama. Wanahitaji sana msaada iwapo itatokea wakashambiliwa mfululizo na maadui zao, mwalimu naweza kuwashusha chini kidogo mawinga kutoa msaada.

Eneo la kiungo wanapocheza Kamusoko, Niyonzima, Kaseke na Msuva kumekuwa na shida sana pale timu inaposhambuliwa, ni wazuri timu ikishambulia kwa pasi zenye macho na hata kulazimisha viungo wa timu pinzani kupoteza umakini kwenye kuwakaba kwa kupiga pasi za haraka kwenda mbele.Mwalimu anapaswa kuwajenga upya wajue namna ya kuficha mpira wanapoupata hasa timu inapokuwa kwenye wimbi ya kushambuliwa na maadui, hii itasadia kupoozesha mpira na mabeki kupumzika. Naona nafasi ya Vijana kama Mwashiuya na Mahadhi ipo pale kocha atakapoona Msuva na Kaseke wanashindwa kuendana na kasi ya mchezo. Umri wa mdogo na kiu ya kutaka mafanikio inaweza kuwa silaha kubwa ya kuwashinda mabeki makini wa TP Mazembe.

Kiu ya mashabiki wengi wa Yanga ni kumuona mshambuliaji Obrey Chirwa ambaye anatajwa kuwa pacha wa Ngoma kutoka Plutnum ya Zimbabwe. Hii inatokana na mfungaji bora wa klabu hiyo kwenye ligi kuu Tz Bara Amisi Tambwe kushindwa kuonesha makali yake kwenye michuano ya kimataifa.

Ngoma amekuwa na papara sana kwenye mechi za kimataifa hachezeshi wenzake kama alivyokuwa akifanya kwenye ligi kuu Tz bara. Nadhamni anamipango binafsi mbali ya ile ya timu, (aonekane na timu kubwa aondoke yanga kwa urahisi) Mwalimu Puijm anatakiwa kufanya kazi ya ziada kumrekebisha Ngoma kwani “Mshambuliaji mchoyo husaidia kuwalinda maadui” ikishindikana afanye yale aliyofanya Ferguson kwa Rooney alipomshusha kucheza kiungo ili apunguze ubinafsi.

3.Nidhamu ya Mchezo.(Game Dicpline)

Ili ufanikiwe kwa urahisi katika uwanja wa kivita kwenye kandanda ni vizuri umteke mwamuzi. Njia pekee ya kumteka mwamuzi ni kutomsumbua kwa nidhamu mbovu ambayo itamfanya awashe taa nyekundu kichwani ili asiharibu kazi yake.

Usimpe kazi ya ziada ya kukuchagulia dhabu mara kwa mara. Wachezaji wa Yanga kama Ngoma, Yondani na Twite wanapaswa kucheza kwa nidhamu kwa kuepuka ugomvi dhidi ya maadui ambao wanaweza kuwatoa mchezoni na kujikuta wanafanya matendo yasiyo ya kuingwana na hatimaye kuangukia kwenye adhabu za mwamuzi.Wakumbuke kuwa wanamichezo mingine mbele na iwapo watapata kadi kwenye mchezo huo itaathiri upatikanaji wa baadhi yao kwenye michezo inayofuata. Kila kadi inagharimu.

4. Uvumilivu.(Patience)

Wachezaji wengi wa kitanzania wamekuwa na taswira kichwani kuwa wao ni wakuonewa kwenye mkichezo ya kimataifa. Mchezaji mwenye taswira hii anaweza kupiga hata mwamuzi jambo ambalo ni baya zaiodi kwenye mchezo wa soka. Inawezekana mwamuzi akaingia na maamuzi mabaya dhidi yao, sasa ili waendelee kuwa salama nayeye asipate sababu ya kuwaumiza wanapaswa kuwa wavulimivu juu ya hujuma zozote, hata zile watakazo fanyiwa na maadui zao kama kujiangusha n.k

Nikukumbushe mchezo wa Kombe la Dunia 2014 nchini Brazil kati ya Ujerumani na Ureno, mshambuliaji wa Ujerumani Thomas Muller alijiangusha wakati akikabiliana na beki  wa Ureno Pepe kisha Pepe kwa hasira akamvamia na kumpiga kichwa akiwa chini. Tukio hili lilimgharimu sana Pepe aliyetolewa nje kwa kadi nyekundu.Bila ya Uvumilivu vijana wa Yanga watajikuta haiani kwa kadi nyingio za njano hapo kesho…. “WAWE MAKINI”

Nukuu muhimu…………

Baadhi ya mashabiki waliosema ni wanachama wa klabu ya Simba, wamejitokeza kwenye mkutano wa waandishi wa habari katika makao makuu ya klabu ya Yanga na kuwataka Wanasimba kujitokeza kwa wingi na kuiunga mkono Yanga, kesho.

Yanga inashuka dimbani kuivaa TP Mazembe katika mechi ya Kombe la Shirikisho hatua ya Makundi kwenye Uwanja wa Taifa jijini Dar es Salaam.Amaniel Mngonja na Rifat Maulanga wamejitokeza kwenye mkutano huo ulioongozwa na Msemaji wa Yanga, Jerry Muro katika makao makuu ya Yanga, Kaunda na Twiga jijini Dar es Salaam.

“Sisi sote ni mashabiki na wanachama wa Simba, tunawaomba mashabiki na wanachama wenzetu wajitokeze kwa wingi kuiunga mkono Yanga.“Yanga ndiyo inayoiwakilisha Tanzania katika michuano hiyo, hivyo waje kwa wingi kuishangilia,” alisema Maulanga.

Kwa upande wake, Muro alisema kwa shabiki ambaye hataweza kuvaa jezi za Yanga, angalau avae jezi za Taifa Stars.“Kama utashindwa basi vaa jezi ya Taifa Stars, lakini bado unaweza kuvaa jezi ya timu yako hata kama ni Simba lakini beba bendera ya taifa, tuishangilie Yanga ni kwa ajili ya Tanzania.”

Kuhusiana na uanachama wa Simba wa Maulanga na Mngonja, wote walikataa kutaja kadi zao za uanachama na kusisitiza hawakuwanazo hapo.

Takribani masaa 24 kabla ya Yanga kuwavaa TP Mazembe katika mchezo wa hatua ya makundi ya Kombe la Shirikisho Afrika, meneja wa mabingwa hao wa ligi ya JK Kongo, Fredrick Kitenge amesema hawakuja kushindana na Yanga. Kitenge ambaye huwezi kumkosa katika pambano lolote la TP Mazembe ameiambia Soka360 kuwa licha ya kushiriki katika mashindano ya Kombe la Shirikisho, ametamba kuwa Yanga ni wachanga mno kushindana nao.

Ameongezea kuwa wamekuja kutupia jicho vipaji kama walivyofanya mwaka 2011 na kufanikiwa kumsajili Mbwana Samatta kutokea Simba na baadaye Thomas Ulimwengu aliyekuwa Moro United kwa mkopo. TP Mazembe wamekuja na kikosi cha wachezaji 18 tu ambao wameonekana kutukuwa na wasiwasi kabisa na pambano la kesho katika hoteli ya Serena walipofikia.Yanga iliyoanza vibaya hatua ya makundi kwa kukubali kipigo cha bao 1-0 kutoka kwa MO Bejaia itashuka dimbani kusaka pointi za kwanza na kurudi katika mstari wa kupigania nafasi ya kufuzu nusu fainali.