WAJASIRIAMALI WANAOVUKA MIPAKA YA NCHI WATAKIWA KUJIUNGA NA MAJUKWAA YA UWEZESHAJI WA ELIMU YA BIASHARA.

Na Rebeca Duwe, Tanga.

WAJASIRIAMALI wanawake wanaofanya biashara  ndogondogo za   kuvuka mipaka ya nchi wametakiwa kujiunga na majukwaa yayonawezesha kupata elimu itakayowezesha kuwatetea wakati wa kwenda ng’ambo kupitisha bidhaa zao za biashara  bila kunyanyaswa kwa namna moja ama nyingine.

Mkurugenzi mtendaji wa TWCC akizungumza na wanawake

waliohudhuria katika semina la jukwaa la Horororo

 wilayani mkinga mkoani Tanga hivi karibuni.

Hayo aliyasema mkurugenzi mtendaji wa Tanzania women Chember Of Commerce (TWCC) Bi Flora Rimoy katika Semina ya Jukwaa la Horohoro  ya elimu ya jinsia iliyotolewa kwa wanawake  mkoani hapa , ilifanyika katika wilaya ya Mkinga katika Ukumbi wa World vision kwa muda wa siku mbili hivi karibuni.Semina hiyo ambayo imefundishwa na Mwl. Magreth Mahenge aliyeambatana na mkurugenzi huyo kutoka  kampuni inayojihusisha na kuendeleza biashara ya wanawake wajasiriamali wa Tanzania  ambapo walihudhuria wanawake takribani 32 kutoka wilaya tatu za mkoa wa Tanga ikiwemo Wilaya ya Muheza , Mkinga na Tanga.

Aidha Mwl.Mahenge aliwahimiza wanawake kutafuta elimu juu  ya haki zao ili kuondokana na unyanyasaji  wakati wa usafirishaji wa bidhaa zao bila kuogopa wala kujidharau kwani bila  kujua sheria na taratibu za kuvuka mipaka ya nchi wanawake ni vigumu kufanya biashara kwa uhuru hasa katika utozwaji wa  ushuru isiyostahili kulingana na mzigo unaosafirishwa na umda uanaotakiwa kufika kwa mjasiriamali anayehusika.

Tanzania Women Chember of Commerce (TWCC)NI Kampuni inayojihusisha na kuendeleza biashara za wanawake wajasiriamali wa Tanzania , ambayo haimiliki hisa za fedha wala kutengenza faida kutokana fedha inyotolewa huzungushwa kuendesha kampuni na haitolewi kama gawio kwa Mujibu wa maelezo kutoka Mkurugenzi mtedaji bi. Rimoy.

Hata hivyo alisema kwa tafiti iliyofanywa TWCC imebaini kuwa  Changamoto nyingi ambalo inawakabili wanawake wengi  ni kushindwa kutambulika na kutopata huduma za kutosha na sahihi toka vyombo mablimbali kama Mabenki Serikali na wadau wengine wa maendeleo .

Aidha alisema kukosekana au kutokana na uwakilishi dhaifu wa masuala ya wanawake  ndipo ilipozaliwa TWCC,ambapo inaendeshwa au kusimamiwa na bodi  ya wakurugenzi na kazi za kila siku inayofanywa na mkurugenzi mtendaji.Sanjari na  hayo alisema kuwa uanachama uko wazi  kwa mwanamke yeyote mfanya biashara  halali kupitia kampuni yake binafsi au kuwa mwanachama wa chama  cha biashara klilichosajiliwa, hivyo ni lazima kutimiza vigezo vya kimsingi kama ilivyoainishwa na bodi na kuhakikiwa na mkutano mkuu wa TWCC.

Wanawake waliohudhuria wakifuatilia  kwa makini masomo katika semina  ya jukwaa la horohoro wilayani mkinga mkoani hapa.

Aidha alieleza kuwa  Dhamira ya TWCC ni kuwa kitovu cha kichocheo katika kumkomboa mwanamke mfanya biashara wa kitanzania  kiuchumi ambayo pia ina dhamira ya kuandaa wanawake wa Tanzania kuwa na umoja wa kutetea haki na kukuza biashara zao kwa kutumia fursa na mikakati ndani ya nje ya nchi.Alisema TWCC ina malengo ya kuwawezesha wanawake kupambana kikamilifu ili kukuza uchumi na kuwaondolea umaskini , kuwawezesha wanawake kuona fursa mablimbali za kibiashara  na kuzitumia ili kuwa na biashara endelevu pamoja na kuwaelekeza wanawakae jinsi ya kupata taarifa za kukuza soko la biashara ya ndani na je.

“kusaidia ukuaji wa wanawake wajasiriamali endelevu na kulinda haki na maslahi ya wajasiriamali hao ni  kuchangia maendeleo ya ukuaji wa uchumi wa wa Tanzania” alisema Rimoy.

Jukwaa  la horohoro ilizinduliwa  rasmi  tarehe 4 mwezi November 2014 ambapo  inaendelea  kuwahamasisha wanawake kujiunga na jukwaa hilo ili washirikiane kutatua changamoto zinazo wakabili wanawake hususani elimu ya Jinsia na namana ya kukuza uchumi wao.

Katika harakati za kumkomboa mwanamke hasa katika sekta ya soko la ajira nchini Tanzania UN,ilianzisha mikakati ya kufadhili mradi ulioanzishwa mwaka 2012  hususani kutatua tatizo la ajira kwa vijana wa kike ili kujikwamua kimaisha na kuepuka utegemezi.Alisema kuwa mipaka amabao hutumika kuvusha bidhaa zao ni kumi na moja (11) amabapo  kila mpaka una jukwaa lake,  ikiwemo mpaka wa Horohoro,Holili,Namanga, Sirari , Mutukula , Mwanza, Rusumo,Kibanga Kigoma , Mtwara na Tunduma.

Wanasemina wakiwa katika picha ya pamoja wawezeshaji wa semina hiyo mara baada ya semina iliyofanyika wilayani Mkinga Mkoani Tanga.

Hata hivyo baadhi ya wanawake waliohudhuria katika Semina hiyo akiwemo Hadija Fusi kutoka Wilayani Muheza na Selina Ndomba kutoka Tanga kwa pamoja waliipongeza jitahada hizo ambazo zimefanywa na TWCC  ya kutoa elimu ya jinsia kwa wanawake hao  hususani kuwahamisisha wanawake kujiunga na Jukwaa la Horohoro ili wapte elimu ya kupata haki zao , hasusan  haki ya kumiliki mali katika familia kwani mwanamke ndio mwalimu wa familia.