STORI ZOOTE ZA TAIFA STARS DHIDI YA MALAWI NIMEKUWEKEA HAPA..!!

MKWASA ‘AIMWAGA’ YANGA, SASA STARS KIMOJA, STARS KAMILI KUIVAA MALAWI JUMATANO!

Charles Boniface Mkwasa amepewa mkataba wa kudumu kukinoa kikosi cha timu ya Taifa ya Tanzania (Taifa Stars) kwa kipindi cha mwaka mmoja na nusu kuanzia Oktoba Mosi mwaka huu na kumalizika  Machi 31, 2017.

TFF Imefikia makubaliano hayo na kocha Mkwasa baada ya kurudhika na utendaji wake katika kukinoa kikosi cha timu ya Taifa, ambapo mpaka sasa ameweza kuingoza Stars katika sare ya michezo miwili dhidi ya Uganda na Nigeria.

Kufuatia kusaini mkataba huo, Mkwasa atapatiwa huduma na marupurupu yote aliyokuwa akipewa kocha aliyeondoka.

Naye kocha Mkwassa ameeleza kufurahishwa na makubaliano haya na ameahidi kufanya kila jitihada kuhakikisha kiwango cha Timu ya Taifa kinapanda.

Aidha Kocha Mkwassa ametoa wito kwa wadau wa mpira kumpa ushirikiano katika majukumu yake mapya.

STARS YAKAMILIKA KUIVAA MALAWI KESHO

Kocha mkuu wa Timu ya Taifa ya Tanzania (Taifa Stars) inayodhaminiwa na bia ya Kilimanjaro, Charles Mkwasa amesema kikosi chake kipo tayari kwa mchezo wa kesho dhidi ya Malawi kuwania kufuzu kwa Fainali za Kombe la Dunia mwaka 2018.

Mkwasa amesema kikosi chake kipo kaika hali nzuri baada ya kufanya mazoezi ya mwisho leo asubuhi ambapo wachezaji wote wapo katika hali nzuri wakiwemo wachezaji wawili Mbwana Samata na Thomas Ulimwengu kutoka klabu ya TP Mazembe ya Congo DR.

“Tunatambua umuhimu wa mchezo wa kesho, wachezaji wana ari na morali ya hali ya juu, kikubwa tunawaomba watanzania wajitokeze kwa wingi uwanjani kuja kutu sapoti katika mchezo huo wa kesho” Alisema Mkwasa.

Kwa upande wa kocha msaidizi wa Malawi (The Flames), Ramadhan Nsanzurwimo amesema wanaiheshimu Tanzania, wanatambua kesho kutakua na mchezo mzuri, na wao kama Malawi wamejiandaa vizuri kwa mchezo huo.

IMETOLEWA NA:

Baraka Kizuguto

MEDIA & COMMUNICATION OFFICER

Tanzania Football Federation – TFF

++++++++++++++++++++++++++++++++++++

KOMBE LA DUNIA 2018

Afrika-Raundi ya Awali

**Saa za Bongo

Jumatano Oktoba 7

15:30 Seychelles v Burundi

16:00 Tanzania v Malawi   

16:30 South Sudan v Mauritania 

17:30 Mauritius v Kenya   

Alhamisi Oktoba 8         

15:00 Comoros v Lesotho

18:00 Sao Tome And Principe v Ethiopia

19:00 Liberia v Guinea-Bissau     

Ijumaa Oktoba 9

15:30 Somalia v Niger      

16:00 Djibouti v Swaziland         

20:00 Gambia v Namibia  

Jumamosi Oktoba 10

14:30 Central African Republic v Madagascar   

16:00 Eritrea v Botswana 

17:30 Chad v Sierra Leone

Marudiano

Jumapili Oktoba 11

15:00 Malawi v Tanzania   

16:00 Ethiopia v Sao Tome And Principe

16:00 Kenya v Mauritius   

Jumanne Oktoba 13

14:30 Madagascar v Central African Republic   

16:00 Burundi v Seychelles

17:00 Sierra Leone  v Chad        

18:00 Namibia v Gambia  

18:00 Niger v Somalia      

19:00 Lesotho v Comoros

19:00 Guinea-Bissau v Liberia     

20:00 Botswana v Eritrea 

20:00 Swaziland v Djibouti         

20:00 Mauritania v South Sudan