MKAZI WA MLINGANO WILAYANI MUHEZA MKOANI TANGA AUWAWA KWA FIMBO BAADA YA KULEWA POMBE.

Mtu mmoja aliyefahamika kwa jina la Abdu Ngodasa mwenye umri wa miaka 27   mkazi wa Mlingano Wilayani Muheza amefariki dunia baada kupigwa na fimbo kichwani .

Akithibitisha kutokea kwa tukio hilo kamanda wa Jeshi la polisi mkoa wa Tanga Zuberi mwombeji alisema tukio hilo limetokea mnamo tarehe 27 September mwaka huu majira ya saa tano usiku katika maeneo Mlingano Wilayani Muheza mkoani hapa.

Alisema Marehemu aliuawa na mtu aliyefahamikia kwa jina la Andrew Mwakapola umri wa miaka 54 baada ya kunywa pombe nyingi na kulewa ndipo wakaanza kupigana na kusababisha kifo cha mwenzake.

Hata hivyo Kamanda Mwombeji alitoa wito kwa wananchi wote wa mkoa huo kuacha kunywa pombe kupita kiasi hali ambayo inayopunguza nguvu kazi ya Taifa.

Aidha aliwapongeza  wananchi wa mkoa wa Tanga kwa  kudumisha amanina kuwataka kuendelea kuwa watulivu hasa kwa kipindi hiki cha kampeni za uchaguzi mkuu ujao mpaka uchaguzi utakapomalizika.