UTAZAME UWANJA WA CCM MKWAKWANI BAADA YA KUFANYIWA MAREKEBISHO

Meneja wa Uwanja wa Mkwakwani,Mbwana Msumari(kulia) nakatibu wa Chama cha Mapinduzi Mkoa wa Tanga (CCM)Gustav Muba wakizungumza na Waandishi wa habari katika moja ya vyumba vya kubadilishia nguo ambavyo pia vimefanyiwa maerekebisho

Kutoka kushoto ni Meneja wa Uwanja wa Mkwakwani,Mbwana Msumari akitoa ufafanuzi kwa katibu wa Chama cha Mapinduzi Mkoa wa Tanga (CCM)Gustav Muba kuhusu maandalizi ya uwanja huo

SEHEMU YA KUCHEZEA BAADA YA KUPANDA NYASI MPYA

HAYA NI BAADHI YA MAGETI YA KIELECTRONIKI AMBAYO YALIFUNGWA KWENYE UWANJA WA CCM MKWAKWANI AMBAYO YATATUMIKA KWENYE MECHI ZA LIGI KUU TANZANIA BARA.

Shirikisho la Soka nchini TFF kwa kushirikiana na uongozi wa uwanja wa Mkwakwani limejipanga kubaliana na changamoto zitakazojitokeza katika mchezo wa leo kuhusiana na tiketi za Kielektroniki.

Wakizungumza katika mkutano na waandishi wa habari uwanjani  hapo,Mjumbe wa Kamati ya Utendaji ya TFF,Khalid Abdallah  na katibu wa Chama cha Mapinduzi (CCM) mkoa wa Tanga,Gustav Muba walisema wamejipanga kukabiliana na changamoto hizo.

Khalid ambaye pia ni msimamizi wa ligi kuu Vodacom,kituo cha Tanga  alisema baada ya kukamilika kwa matengenezo ya uwanja wa Mkwakwani kuna changamoto ambazo zitajitokeza kutokana na ukweli kwamba milango iliyoandaliwa ni miwili tu.

“Tatizo ni kwamba wawekaji wa mashine za kielektroniki wameweka mageti  mawili tu ambayo kwa uzoefu ukataji wa tiketi hautatosheleza idadi ya mashabiki watakaoingia”alisema Khalid.

Mjumbe huyo hata hivyo aliwataka wapenzi kujitokeza kwa wingi bila kuhofia tatizo hilo kwa sababu,TFF na uongozi wa uwanja wamejipanga kuhakikisha kila atakayefika anaingia uwanjani kushuhudia mechi zitakazo pigwa katika Uwanja Huo.
Katibu wa CCM Mkoa wa Tanga alisema uwanja wa mkwakwani umekamilika  marekebisho kwa asilimia kubwa na unaweza kuhimili kuchezewa ligi kuu bila matatizo.