WAKULIMA LUSHOTO WALALAMA GHARAMA KUBWA ZA PEMBEJEO ZA KILIMO

Wakulima wa Kilimo cha Mbogamboga na Matunda wilayani Lushoto, mkoani hapa, wameoimba Serikali kuwapunguzia gharama za pembejeo za kilimo ili walime  kwa kufuata kanuni za kilimo cha kisasa.

Wakizungumza hivi karibuni kwenye kikao cha  Umoja wa Wakulima wa Mbogamboga na Matunda Wilaya ya Lushoto na Korogwe ulioitishwa na  Shirika la Oxfam Tanzania tawi la Lushoto, wakulima hao wamesema kuwa kwa kipindi kirefu wameomba Serikali kupunguza gharama bila ya mafanikio.

Wamesema hali hiyo imekuwa ikirudisha nyuma jitihada zao, badala yake wameendelea kulima kwa mazoea jambo ambalo linawafanya wengi kushindwa kupata faida stahiki ya kilimo.

Mmoja wa wakulima hao Bw,dhahabu amesema ni jambo la kushangaza kuona mkulima wa Lushoto akiwa maskini ilhali wilaya hiyo ina rutuba inayofaa  kwa aina tofauti  za  kilimo, ikiwamo kilimo cha njegere, hivyo kuitaka Serikali kuwaunga mkono kwa kuwapatia pembejeo.

Naye Mkurugenzi Mtendaji Halmashauri ya  Lushoto, Jumanne Shauri amelitaka Shirika hilo kutoa elimu kwa wakulima kuhusu kilimo cha mbogamboga na matunda, kwa sababu wengi hawana elimu hiyo.